Comhionannas, Éagsúlacht agus Cuimsiú

Cuireann Ollscoil na Gaillimhe roimpi a chinntiú go mbíonn pobal na hollscoile ionadaíoch ar an bpobal i gcoitinne agus go dtugtar tacaíocht do mhic léinn le barr feabhais a bhaint amach. Déantar é seo trí thacaíochtaí ar leith a chur ar fáil do dhaoine a mbíonn níos mó constaicí le sárú acu ná mar a bhíonn ag daoine eile. Tá go leor tacaíochtaí speisialtóireachta ar fáil do mhic léinn faoi mhíchumas, do mhic léinn lánfhásta, do mhic léinn idirnáisiúnta, do mhic léinn ó ghrúpaí mionlaigh agus do mhic léinn a chuaigh trí chóras cúraim an Stáit. 

• An tSeirbhís Tacaíochta Míchumais - Faigh eolas faoi na tacaíochtaí atá ar fáil dóibh siúd a bhfuil siad de dhíth orthu mar gheall ar mhíchumas, riocht sláinte leanúnach coirp nó meabhairshláinte, nó deacracht foghlama ar leith
• An tIonad Rochtana - Ag obair le mic léinn atá faoi mhíbhuntáiste socheacnamaíoch, le mic léinn faoi mhíchumas agus le mic léinn lánfhásta chun go mothóidh siad gur spás foghlama é seo ina bhfuil tacaíocht ar fáil acu agus chun go n-éireoidh leo san oideachas tríú leibhéal
• Mic Léinn Lánfhásta - Tá fáil anseo ar shonraí teagmhála Oifigeach na Mac Léinn Lánfhásta, ar an treoir do mhic léinn lánfhásta agus ar eolas faoi imeachtaí atá ar na bacáin
• An tOifigeach Oideachais Taistealaithe - Cuireann Ann-Marie Stokes tacaíocht agus treoir ar fáil do mhic léinn de chuid Phobal Taistealaithe na hÉireann nuair a bhíonn siad ag tabhairt faoin ardoideachas agus i rith a dtréimhse ar an ollscoil
• Oibrí Tacaíochta Oideachais do Mhic Léinn a d’Fhreastail ar Sheirbhísí Cúraim: Cuireann Betty Attwood tacaíocht agus comhairle ar fáil do mhic léinn de chuid Ollscoil na Gaillimhe a chaith aon tréimhse faoi chúram an stáit sula raibh siad 18 mbliana d’aois, agus déanann sí abhcóideacht ar a son. D’fhéadfadh cúram gaolta, cúram altrama, cúram cónaitheach, cúram speisialta agus/nó aon duine atá uchtaithe a bheith i gceist leis seo
• Feidhmeannaigh Chomhaltas na Mac Léinn (An tOifigeach Cearta Míchumais, an tOifigeach Cearta Mionlaigh Eitnigh, Inscne agus LGBT+, etc.)
• An Oifig Idirnáisiúnta - Téigh i dteagmháil leis an oifig idirnáisiúnta atá ar fáil chun tacú leat leis an bpróiseas iarratais agus víosa, chun fáilte a chur romhat ar an gcampas agus chun cabhrú leat lóistín sócúlach a aimsiú
• Scéimeanna DARE agus HEAR - Faigh amach faoi scéimeanna HEAR agus DARE a chuireann cothromas rochtana ar ardoideachas chun cinn do mhic léinn atá faoi mhíbhuntáiste socheacnamaíoch nó do mic léinn faoi mhíchumas
• Spás Céadfach Cubbie - Is spás ilchéadfach é an Cubbie, atá suite thuas staighre in Áras Uí Chathail. Tá rochtain ag daoine i gcathaoireacha rothaí air, agus is spás sábháilte é do mhic léinn agus don fhoireann. Cuirtear clár céadfach closamhairc inoiriúnaithe ar fáil ann chun cabhrú le daoine a gcuid mothúchán a rialú. Is féidir le duine amháin ar a sheal an spás seo a úsáid
• Scéim Iasachta na Ríomhairí Glúine do Mhic Léinn - Faigh amach an bhfuil tú i dteideal ríomhaire glúine a fháil ar iasacht go fadtéarmach fad a bheidh tú i mbun staidéir