Cúrsaí Airgid

Tagann an costas ard maireachtála a bhaineann le dul ar an ollscoil aniar aduaidh ar mhic léinn agus ardaíonn an costas sin ó bhliain go bliain. Tá sé tábhachtach do chuid airgid a bhainistiú i gceart, fiú mura bhfuil mórán de agat! D’fhéadfadh cathú a bheith ort an buiséad atá leagtha amach agat do do chuid bia a chaitheamh ar do shaol sóisialta, ach is gearr go dtuigfidh tú cé chomh tábhachtach agus atá sé a bheith críonna le do chuid airgid lena chinntiú go mbeidh saol sláintiúil, sona agus sóisialta go leor agat i rith na bliana acadúla. Seans go gceapann tú gur cur amú ama é buiséad seachtainiúil a chur le chéile agus cloí leis, ach tiocfaidh tú isteach air go tapa, agus is gearr go bhfeicfidh tú go bhfuil do chuid airgid á bhainistiú go héifeachtach agat.  

D’fhéadfadh sé go mbeadh deacrachtaí airgid agat am ar bith agus tú ar an ollscoil. Tá bealaí éagsúla ann ar féidir iarratas a dhéanamh ar chúnamh airgid agus ar thacaíocht. Tá tuilleadh eolais le fáil thíos faoi na cineálacha tacaíochta atá ar fáil.

• Na Cistí Cúnaimh Airgid - Eolas faoi na cistí atá ar fáil agus na critéir incháilitheachta
• SUSI - An t-eolas is deireanaí faoi spriocdhátaí dheontais SUSI agus faoin gcaoi le hiarratas a dhéanamh
• Táillí na Mac Léinn
• Comhairle maidir le buiséad a leagan amach
• Scoláireachtaí