Tacaíocht Duine le Duine

D’fhéadfadh sé in amanna go mbeadh ort labhairt le duine le comhairle nó cúnamh ar leith a fháil. Chabhródh sé sin leat aon fhadhb atá agat a réiteach nó tú a chur ar do shuaimhneas faoi aon ábhar imní atá agat. Cliceáil ar aon cheann acu seo thíos chun an tacaíocht a bheidh uait fad a bheidh tú ar Ollscoil na Gaillimhe a fháil.

• Comhairleoireacht - Seirbhís saor in aisce ina gcuirtear comhairleoireacht ar fáil ar an láthair, ar bhonn duine le duine agus ar líne. Cuirtear comhairleoireacht ghrúpa agus ceardlanna ar fáil chomh maith
• Oifigigh Thacaíochta do Mhic Léinn - Ar fáil do mhic léinn ar mian leo cúrsaí pearsanta, acadúla nó airgid a phlé, nó aon fhadhb eile a d’fhéadfadh teacht chun cinn agus iad ar an Ollscoil
• Cóitseálaithe Rathúlachta - Ar fáil le cuidiú le mic léinn ‘A Saol a Phleanáil’, chun na spriocanna acadúla, pearsanta agus saoil faoi leith a bhíonn acu féin fad a bhíonn siad ar an Ollscoil a bhaint amach
• Tacaíocht Airgid - Chun comhairle a fháil faoi thacaíochtaí airgid agus chun cabhair a fháil nuair a bhíonn foirmeacha le cur isteach is féidir teagmháil dhíreach a dhéanamh leis an bhfoireann tacaíochta airgid
• An tSéiplíneacht - Cuireann foireann na Séiplíneachta raon leathan seirbhísí ar fáil do mhic léinn de gach creideamh nó mic léinn nach bhfuil creideamh ar bith acu, tacaíocht duine le duine san áireamh
• Tacaíocht Idirnáisiúnta - Anseo tá sonraí teagmhála na hOifige Gnóthaí Idirnáisiúnta, ina dtugtar tacaíocht agus comhairle do mhic léinn idirnáisiúnta, le fáil
• An tOifigeach Oideachais Taistealaithe - Cuireann Ann-Marie Stokes tacaíocht agus treoir ar fáil do mhic léinn de chuid Phobal Taistealaithe na hÉireann agus iad ag tabhairt faoin ardoideachas agus i rith a dtréimhse ar an ollscoil
• Oifigeach na Mac Léinn Lánfhásta - Tá Kathleen Hartigan ar fáil chun bualadh le mic léinn lánfhásta chun tacaíocht agus treoir a thabhairt dóibh faoi cheisteanna éagsúla
• Comhairleoir Míchumais - Chun teagmháil a dhéanamh le comhairleoir míchumais ní mór duit clárú ar dtús leis an tSeirbhís Tacaíochta Míchumais (DSS). Cliceáil ar an nasc seo chun tuilleadh eolais a fháil faoin mbealach ar féidir clárú leis an tSeirbhís
• Oibrí Tacaíochta Oideachais do Mhic Léinn a d’Fhreastail ar Sheirbhísí Cúraim: Cuireann Betty Attwood tacaíocht agus comhairle ar fáil do mhic léinn de chuid Ollscoil na Gaillimhe a chaith aon tréimhse faoi chúram an stáit sula raibh siad 18 mbliana d’aois, agus déanann sí abhcóideacht ar a son. D’fhéadfadh cúram gaolta, cúram altrama, cúram cónaitheach, cúram speisialta agus/nó aon duine atá uchtaithe a bheith i gceist leis seo
• An Roth Tacaíochta - Chun teacht ar an eolas thuas ar fad agus tuilleadh féach ar an Roth Tacaíochta chun gach tacaíocht atá ar fáil duit a aimsiú bunaithe ar do chuid riachtanas