Treoir d’úsáideoirí Core Portal

Tá eolas le fáil ar Core Portal maidir le párolla mar shampla duillíní pá agus sonraí pinsin, chomh maith le hiarratais ar shaoire bhliantúil, eolas pearsanta a thabhairt cothrom le dáta, agus breathnú ar iarratais earcaíochta ar líne.

Is féidir teacht ar Core Portal anseo.

Logáil isteach agus cuir eolas ar Core Portal

1. Téigh chuig láithreán gréasáin Core Portal anseo.
2. Teastóidh do shonraí logála isteach uait. Is ionann d’ainm úsáideora agus do sheoladh ríomhphoist le d’uimhir foirne 8 ndigit (StaffID@universityofgalway.ie). Is ionann do phasfhocal agus an pasfhocal céanna don chuntas campais (an ceann céanna le logáil isteach ar do ríomhphost nó do ríomhaire). Seans go mbeidh ort an fíordheimhniú Ilfhachtóra a dhéanamh ag an tráth seo.
   
   
3. Ina dhiaidh sin, ba cheart go bhfeicfeá leathanach baile CorePortal.
4. Roghnaigh an modúl ceart ón liosta ar thaobh na láimhe clé.
   
   
   
5. Chun logáil amach as Core Portal, cliceáil ar an ngrianghraf in uachtar ar dheis agus roghnaigh "Log Out" ón roghchlár anuas.
   
   
   ‌

Mo Phróifíl – Athraigh do shonraí pearsanta.

Faoi Mo Phróifíl is féidir do shonraí pearsanta a fheiceáil agus a athrú ar líne.

1. Chun é seo a dhéanamh, roghnaigh do ghrianghraf in uachtar ar chlé.
   
   
2. ‌‌Tá do shonraí pearsanta le feiceáil anseo. Chun na sonraí seo a fheiceáil nó a athrú, roghnaigh an chatagóir chuí ar chlé.
   
   
   
3. ‌‌Tá liosta na gcatagóirí agus na roghanna éagsúla le fáil thíos.
   
   
4. R‌oghnaigh an t-eolas atá le leasú agat, agus ba chóir go mbeifeá in ann na sonraí a athrú. Mar shampla, má tá tú ag iarraidh do shonraí pearsanta a athrú, roghnaigh Employee Details > Contacts, cliceáil na 3 phonc ar dheis ón iontráil, agus roghnaigh edit.
   
   

Cuir Grianghraf le do Phróifíl/Athraigh an ceann atá ann

1. Cliceáil ar an gciorcal thuas ar dheis (má tá grianghraf agat cheana féin beidh sé le feiceáil anseo, mura bhfuil ní bheidh ann ach ionadchoinneálaí) agus roghnaigh Upload my Photo.
   
   
2. Tiocfaidh fuinneog aníos agus é seo scríofa air Select a photo. Cliceáil ar an mbosca téacs sin agus osclóidh fuinneog eile. Roghnaigh an grianghraf atá uait agus brúigh OK.
   
   
3. C‌hun tuilleadh eolais a fháil ar threoirlínte maidir le grianghraf a uaslódáil (mar shampla an cineál comhaid, cóimheas crutha, agus teorainneacha méide) féach ár láithreán gréasáin anseo.

Mo Phróifíl

Is féidir do shonraí pearsanta a fheiceáil agus a athrú in CorePortal.

Mo Phróifíl

Faoi Mo Phróifíl is féidir do shonraí pearsanta a fheiceáil agus a athrú ar líne.

1. Chun é seo a dhéanamh, roghnaigh do ghrianghraf in uachtar ar dheis.
   
   ‌
2. ‌‌Tá do shonraí pearsanta le feiceáil anseo. Chun na sonraí seo a fheiceáil nó a athrú, roghnaigh an chatagóir chuí ar chlé.
   
   
   
3. ‌‌Tá liosta na gcatagóirí agus na roghanna éagsúla le fáil thíos.
   
   
4. D‌éanann an roghchlár anuas faoi seo cur síos ar na roghanna atá ar fáil chun athrú a dhéanamh anseo.

Sonraí an Fhostaí

Is féidir an méid seo a leanas a fheiceáil agus/nó a athrú faoi Employee Detail in CorePortal:

• Teagmhálaithe: seoltaí ríomhphoist, uimhreacha gutháin, seoltaí
• Sonraí Neasghaoil
• Cleithiúnaigh
• Cáipéisí
• Cé go bhfuil Sonraí Bainc le feiceáil mar rogha ní féidir aon athrú a dhéanamh air seo ar Core Portal. Is féidir leat an fhoirm ar líne a líonadh chun do shonraí bainc a athrú anseo.

Éagsúlacht

Is féidir an méid seo a leanas a fheiceáil agus/nó a athrú faoi Diversity in CorePortal:

• Eolas Cúlra: féiniúlacht inscne, gnéaschlaonadh, cúlra eitneach, stádas teaghlaigh, creideamh
• Eolas Míchumais: sonraí ginearálta más gá

Conradh

Is féidir an méid seo a leanas a fheiceáil faoi Contract in CorePortal:

• Eolas faoi do Chonradh: post, roinn, dáta tosaigh, etc.
• Eolas Tuarastail: tuarastal roimhe seo, liúntais, próifíl phá

Bainistíocht Ama

Tá an táb Time Management ar fáil do roinnt fostaithe ag brath ar a ról agus ar an gcaoi a mbainistítear a saoire.

Má tá sé seo ar fáil duitse, beidh tú in ann an méid seo a leanas a fheiceáil faoi Time Management in CorePortal:

• Eolas iarmhéid
• Sonraí maidir le clogáil isteach/amach
• Tinreamh
• Iarratais ar shaoire

Foghlaim agus Forbairt

Is féidir an méid seo a leanas a fheiceáil faoi Learning and Development in CorePortal:

• Cáilíochtaí
• Sonraí oiliúna: liosta na gcúrsaí déanta agus le déanamh

Folíne

Is féidir an méid seo a leanas a fheiceáil agus/nó a athrú faoi Other Information in CorePortal:

•  Folíne

Féinseirbhís an Phárolla

Is féidir Core Portal a úsáid chun sonraí párolla a fheiceáil agus a athrú.

Sonraí Párolla

1. Roghnaigh Pay ar an Employee Dashboard.
2. Tá do shonraí párolla le feiceáil anseo. Áirítear anseo Tax Detail, My Payslips, My Bank Accounts, Important Dates, P60 Documents, agus ASC60 Certs.
   
   

Féach mo dhuillíní pá

1. Tá achoimre ar na duillíní is deireanaí le feiceáil faoi My Payslips ar an scáileán Pay.
2. Is féidir ceann acu seo a fheiceáil ach cliceáil ar an dáta cuí ar chlé agus Full Payslip a roghnú.
3. Chun na duillíní pá ar fad a fheiceáil cliceáil ar View All in uachtar ar dheis. Beidh siad ar fad le feiceáil anseo de réir dáta agus beidh tú in ann cliceáil ar View ar dheis ón gceann atá uait.
   
   
4. ‌Is féidir duillín pá iomlán a íoslódáil trí Download PDF a roghnú in íochtar ar dheis.
   
   
5. I‌s féidir leat an leagan Gaeilge a fheiceáil ach cliceáil ar Select language option ar bharr an leathanaigh.

Do chuid cáipéisí P60 a fheiceáil

1. Tá do chuid cáipéisí P60 le feiceáil sa rannóg Pay den Employee Dashboard.
2. Tá na cáipéisí is deireanaí le feiceáil sa ghiuirléid. Roghnaigh View chun iad a oscailt.
3. Is féidir View All a roghnú in uachtar chun liosta iomlán na gcáipéisí a fheiceáil de réir bliana.
   
   
4. ‌Nuair a fheicfidh tú do cháipéis P60, osclóidh fuinneog nua le hachoimre ar do P60.
5. Féadfaidh tú Generate P60 a roghnú in íochtar an scáileáin chun do P60 oifigiúil a íoslódáil, a shábháil agus/nó a phriontáil.
   
   
6. Chun na cáipéisí P60 a fheiceáil i dteanga eile, cliceáil ar an gcruinneog ar bharr na giuirléide agus feicfidh tú liosta teangacha le roghnú.
   
   

Do chuid cáipéisí PRD60/ASC60 a fheiceáil

Tugadh ASC isteach an 1 Eanáir 2019 in ionad PRD a bhí ann ón 1 Márta 2009.

1. Is féidir na cáipéisí PRD60/ASC60 a fheiceáil sa rannóg Pay ar Employee Dashboard.
2. Tá na cáipéisí is deireanaí le feiceáil sa ghiuirléid. Roghnaigh View chun iad a oscailt.
3. Is féidir View All a roghnú in uachtar chun liosta iomlán na gcáipéisí a fheiceáil de réir bliana.
   
   
4. Nuair a dhéanfaidh tú View ar do cháipéis PRD/ASC60, osclóidh fuinneog nua le hachoimre ar do PRD/ASC60.
5. Is féidir leat Print a roghnú ag bun an scáileáin chun do cháipéis a íoslódáil nó a phriontáil.
   
   
6. Is féidir leat teanga na cáipéise a athrú go Gaeilge ach  View in Irish a roghnú ag barr na cáipéise.

Earcaíocht ar líne

Is féidir leat Core Portal a úsáid chun iarratais ar fholúntais a bhainistiú. Chun tuilleadh eolais a fháil, féach ár leathanach gréasáin Ríomh-Earcaíochta anseo.

Earcaíocht Ar Líne

1. Is féidir leat folúntais reatha in Ollscoil na Gaillimhe a chuardach tríd an táb Vacancies ar an mbarra clé a roghnú ar an deais Core Portal.
2. Anseo feicfidh tú giuirléid le folúntais sheachtracha, chomh maith le giuirléid le poist a osclaíodh le déanaí le héascaíocht a dhéanamh duit.
   
   
3. ‌‌Má chliceálann tú ar na 3 phonc in aice le haon cheann díobh seo beidh an deis agat féachaint ar shonraí an phoist, nó iarratas a dhéanamh ar an bpost.
4. Is féidir leat an rogha ghorm Advanced a chliceáil chun dul chuig an tairseach Folúntais Reatha.
5. Is féidir treoir mhionsonraithe d’iarratais ar líne a fháil anseo.

Fadhbanna

An bhfuil deacracht agat logáil isteach?

Má bhíonn aon deacracht agat logáil isteach, féach na treoracha thuas nuair is cuí.

Má bhíonn deacrachtaí agat logáil isteach i ndiaidh duit na treoracha a léamh déan teagmháil le Córas na dTicéad ag an Deasc Freastail Leabharlainne agus IT, folíne 5777 nó seol ríomhphost chuig servicedesk@universityofgalway.ie.

An bhfuil aon rud a d’fhéadfainn a dhéanamh sula dtéim i dteagmháil le tacaíocht?

Is féidir leat fuinneog anaithnid a oscailt i do bhrabhsálaí roghnaithe agus iarracht a dhéanamh logáil isteach ansin.

Ba cheart go n-oibreodh Core Portal ar aon bhrabhsálaí, ach má tá fadhbanna agat ba chóir duit triail a bhaint as Microsoft Edge ar ríomhaire Windows, agus Mozilla Firefox ar fhearas iOs.