Folláine Chianoibre

Do Shláinte Shóisialta

• Iarraimid ort fanacht i dteagmháil rialta le do bhainisteoir líne, agus mar an gcéanna, seiceálfaidh do bhainisteoir leat ar bhonn rialta.
• Coinnigh i dteagmháil le do chomhghleacaithe chun a chinntiú go bhfuil caidreamh agat le d’fhoireann agus le pobal na hOllscoile.
• Cuimhnigh go bhféadfadh sé a bheith an-dúshlánach do chomhaltaí foirne idirnáisiúnta a bheith imithe ón teaghlach agus ón mbaile ag an am seo. Déan iarracht bhreise tuiscint a léiriú ar a gcás agus fanacht i dteagmháil.
• Má tá aithne agat ar aon chomhalta foirne a chónaíonn/a oibríonn ina n-aonar, déan iarracht fanacht i dteagmháil leo.
• Seans gur mhian le foirne sosanna caifé fíorúla a shocrú dóibh siúd ar spéis leo comhrá a bheith acu faoina lá – is féidir é seo a dhéanamh ar Microsoft Teams.

Do Shláinte Fhisiciúil

• Lean ort ag tabhairt aird ar chomhairle sláinte an phobail maidir le scaradh sóisialta agus sláinteachas láimhe agus riospráide. Sábhálfaidh do ghníomhartha beatha má chloíonn tú le comhairle sláinte poiblí.
• Is féidir leat roinnt treoracha úsáideacha agus praiticiúla ó FSS maidir leat féin agus daoine eile a chosaint ón víreas a fheiceáil ar an láithreán gréasáin anseo.
• Lean an chomhairle taistil ón Roinn Gnóthaí Eachtracha anseo.
• Is féidir leis an bhfoireann chliniciúil breathnú a dhéanamh ar chomhairle agus treoir d’oibrithe cúram sláinte ón Lárionad Faire um Chosaint Sláinte de chuid FSS atá ar fáil anseo.
• Dúshlán nua is ea an obair ón mbaile agus d’fhéadfadh fadhbanna a bheith i gceist le suíomh an ionaid oibre agus leis an gcomhshaol. Is beart sealadach é seo i gcúinsí eisceachtúla, ach is féidir leat a chinntiú oiread agus is féidir go bhfuil stáisiún oibre agat nach bhfuil ag cur isteach ar do shláinte fhisiciúil trí shuíochán ceart agus trealamh taispeána a shocrú. Tá treoirlínte ar chianobair shealadach le fáil ar láithreán gréasáin an Údaráis Sláinte agus Sábháilteachta anseo.
• Agus tú ag obair ón mbaile, cuimhnigh sosanna rialta a ghlacadh agus am lóin, agus lean gnáthphróisis bhainistíochta ama.

Do meabhairshláinte

• D’fhéadfadh sé a bheith deacair an obair agus freagrachtaí cúraim a bhainistiú ag an am seo. Tuigeann bainisteoirí líne agus an Ollscoil na cúinsí eisceachtúla seo, agus tá sláinte agus leas do theaghlaigh ríthábhachtach.
• LORG CÚNAMH má theastaíonn sé uait. Seol téacs Hello chuig 50808 má tá cúnamh uait agus tú ag dul trí ghéarchéim mheabhairshláinte nó mhothúchánach.
• Más mian leat labhairt le duine faoi aon mhothúcháin nó brú atá ort faoi láthair, tá Seirbhís Cúnaimh d’Fhostaithe Ollscoil na Gaillimhe (EAS) ar fáil duit 24/7. Féach an láithreán gréasáin anseo má tá eolas nó sonraí teagmhála uait.
• Féadfaidh an fhoireann a bhfuil cúraimí FSS orthu teagmháil a dhéanamh leis an tseirbhís EAP de chuid FSS do Ghrúpa Ospidéal Saolta anseo.
• Má tá tú ag freagairt do mhic léinn atá i gcruachás, tabhair faoi deara go bhfuil Comhairleoireacht na Mac Léinn ag leanúint ar aghaidh ag oibriú go cianda trí counselling@universityofgalway.ie.
• Is féidir leat ardán Foghlama LinkedIn Ollscoil na Gaillimhe a rochtain trí na haipeanna i do chuntas Office 365 nó go díreach ó Leathanach Logála Isteach LinkedIn Learning Ollscoil na Gaillimhe áit ar féidir leat rochtain a fháil ar roinnt físeáin ghearra & cúrsaí a bhaineann le Meabhairshláinte.
• Lean Treoirlínte FSS chun aire a thabhairt do do mheabhairshláinte le linn an ama seo anseo. Tá tuilleadh eolais le fáil ar a láithreán gréasáin faoi gach ceann de na ceannteidil seo a leanas:

- Bí ar an eolas ach socraigh teorainneacha don nuacht agus do na meáin shóisialta
- Lean ar aghaidh le do ghnáthaimh shláintiúla
- Fan i dteagmháil le daoine eile
- Labhair le leanaí agus daoine óga
- Déan iarracht anacair a réamh-mheas agus tacaigh lena chéile
- Ná déan buille faoi thuairim
- Úsáid tacaíochtaí ar líne agus teileafóin atá ar fáil nuair is gá