Déileáil le Strus – Fostaithe

Céard is strus ann?

Is é an sainmhíniú atá ag Feidhmeannacht na Seirbhíse Sláinte ar strus ná riocht meabhrach agus fisiciúil a thagann chun cinn de bharr brú nó éilimh a chuireann isteach ar nó a sháraíonn do chumas nó do chumas braite déileáil le nithe.

Tugtar strusairí ar na nithe sin is cúis le brú nó le héilimh.

An bhfuil difríocht idir strus dearfach agus diúltach?

Glactar go forleathan leis nach bhfuil gach cineál struis go dona. Is féidir le strus d’fheidhmíocht a fheabhsú agus táirgiúlacht a mhéadú san ionad oibre nó ag baile.

Is é an difear idir strus dearfach agus strus diúltach ná go mbaineann strus dearfach le dúshlán agus le fuadar ach go mbaineann strus diúltach le himní, buairt agus a bheith trína chéile.

Céard iad na comharthaí a bhaineann le strus diúltach?

Bíonn difríochtaí móra sna comharthaí a bhaineann le strus diúltach ag brath ar an duine agus is féidir leo a bheith fisiciúil nó síceolaíoch.

Maidir le comharthaí síceolaíochta d’fhéadfadh smaointe agus caint thapa, easpa smachta ar do ghníomhartha, agus aireachtáil mar nach bhfuil cumhacht agat ort féin, go bhfuil tú ag cailleadh smachta agus go bhfuil eagla ar dhuine. Iompraíonn daoine iad féin ar bhealach difriúil le hais a ‘ngnáthiompair’ agus iad faoi strus. Féadfaidh siad a bheith níos crosta, níos achrannaí, níos lú ama a thabhairt do dhaoine eile agus díocas a bheith orthu i leith cúinsí nach bhfuil réalaíoch dóibh siúd atá thart orthu; b'fhéidir go mbraitheann siad caillteanas muiníne agus féinmheasa freisin.

I measc na gcomharthaí fisiciúla a bhaineann le strus tá pianta cliabhraigh, iatacht, buinneach, crampaí, nó freangaí matáin, meirfean, ithe ingne, preabadh néarógach, codladh grifín, míshocair, cur allais níos mó, deacrachtaí gnéis nó caillteanas dúil gnéis, easpa anála, pianta matáin agus deacracht codlata.

Cén chaoi a bhféadfadh strus a bheith ag cur isteach ar do phost?

Is féidir le strus cur isteach ar do chuid oibre ar bhealaí éagsúla. D’fhéadfaí strus agus brú teacht chun cinn mar seo a leanas:

• Neamhláithreacht
• Easpa poncúlachta
• Laghdú ar fheidhmíocht
• Athrú suntasach ar iompar
• Cailliúint cruthaitheachta
• Leibhéil níos airde botún
• Drochbhreithiúnas
• Deacracht maidir le pleanáil, díriú ar nithe nó cinntí a dhéanamh.

Cad is féidir liom a dhéanamh chun strus a chosc agus a bhainistiú go pearsanta?

• Déan iarracht cothromaíocht mhaith a choinneáil idir do shaol oibre agus do shaol pearsanta
• Cinntigh go bhfuil go leor codlata á fháil agat
• Bia sláintiúil a ithe
• Aclaíocht a dhéanamh ar bhonn rialta
• Iarr cabhair a luaithe is féidir má thugann tú faoi deara na comharthaí struis
• Déan am le do scíth a ligean, gníomhaíochtaí sóisialta taitneamhacha nó machnamh

Bíonn sé deacair déileáil le strus – ar dtús bíonn faisean ag daoine an scéal a sheachaint agus gan smaoineamh go bhféadfadh siad a bheith faoi strus, d’fhéadfadh siad iarracht a dhéanamh i ngan fhios dóibh féin sólás a fháil tríd an iomarca a ithe, tobac a chaitheamh nó alcól a ól.  Mura ndéileáiltear leis an strus ón tús, tá sé in ann éirí níos measa an-sciobtha agus cur isteach go mór ar an duine.

Tá bileog eolais curtha le chéile ag Seirbhís Comhairleoireachta Ollscoil na Gaillimhe a chuideoidh le strus a bhainistiú. Is féidir é seo a chur i bhfeidhm ar do thimpeallacht oibre agus ar do shaol pearsanta araon.

Tá tuilleadh eolais ar fáil ag an nasc seo a leanas:  Déileáil le Strus in Ollscoil na Gaillimhe

 

Conas a aithním go bhfuil strus ar mhac léinn agus conas ba cheart déileáil leis?

Ó am go chéile d’fhéadfadh comhalta foirne casadh le mic léinn a bhfuil strus orthu nó atá i gcruachás. Go minic bíonn an mac léinn atá i gcruachás ag streachailt go hacadúil freisin. Uaireanta is féidir le mic léinn ligean orthu nach bhfuil siad i gcruachás agus cúis eile a lua maidir lena streachailt acadúil.

D’fhonn aitheantas a thabhairt do mhac léinn atá i gcruachás, aghaidh a thabhairt ar an gcás agus an mac léinn a chur i dtreo cúnaimh, tá treoirleabhar curtha le chéile ag Ollscoil na Gaillimhe do gach comhalta foirne agus is féidir é a fháil tríd an nasc seo a leanas:

Ollscoil na Gaillimhe: Treoir maidir le Tacú agus Freastal ar Mhic Léinn i gCruachás

Cad iad na hacmhainní atá ar fáil dom in Ollscoil na Gaillimhe?

Má bhraitheann tú go bhfuil strus ort tá roinnt acmhainní ar fáil san Ollscoil a chabhróidh leat. Ina measc:

An tSeirbhís Séiplíneachta
Liosta Teagmhálaithe: Acmhainní Daonna
An tSeirbhís Cúnaimh d’Fhostaithe