An Scéim Pas Taistil

Is furasta do chomaitéirí teacht go campas Ollscoil na Gaillimhe, agus tá roinnt roghanna agus lascainí ar fáil do chomhaltaí foirne a bhíonn ag taisteal chun na hoibre, an Scéim Rothaíochta chun na hOibre agus an Scéim Coigiltis Cánach don Phas Taistil ina measc.

An Scéim Pas Taistil

Breathnaítear ar an scéim Pas Taistil mar bhealach dearfach chun níos mó daoine a spreagadh chun iompar poiblí a úsáid in Éirinn agus chun plódú tráchta a mhaolú. Ligeann sé do dhaoine ticéid bhliantúla bus, traenach agus Luas a cheannach trí Ollscoil na Gaillimhe agus suas le 52% a shábháil ar chostais taistil dá bharr. Ní mór do chomhaltaí foirne a bhaineann leas as an scéim Pas Taistil an cineál ticéid is feiliúnaí dá riachtanais féin a roghnú; níl aon uasteorainn le luach an phas taistil.

Chun cur isteach ar an scéim Pas Taistil, beidh ort an fhoirm iarratais ar an Scéim Pas Taistil de chuid Ollscoil na Gaillimhe a líonadh ina sonraíonn tú an soláthraí seirbhíse a bheidh á úsáid agat chomh maith le costas iomlán an phas taistil. Seol an fhoirm iarratais ar an Scéim Pas Taistil de chuid Ollscoil na Gaillimhe (agus aon cháipéisí ábhartha eile atá de dhíth) chuig ‘Scéim Pas Taistil’, Oifig Acmhainní Daonna, Ollscoil na Gaillimhe. Déanfaimid d’iarratas a phróiseáil agus rachaimid i dteagmháil go díreach leis an soláthraí seirbhíse chun do thicéad a ordú agus chun íoc as.

Conas a oibríonn na Scéimeanna?

Dá mba rud é gur cheannaigh tú féin an rothar nó pas taistil, bheifeá á cheannach le do ghlanphá – is é sin do phá i ndiaidh don cháin uile a bheith bainte as. Is é a chaoi a n-oibríonn na scéimeanna seo ná go n-íocann tú ar ais costas an rothair nó an phas taistil le do phá comhlán, rud a fhágann nach n-íocann tú ÁSCP, MSU ná cáin ioncaim ar na haisíocaíochtaí ar an rothar nó pas taistil. Dá thoradh seo, sábhálann tú ar chostas an rothair nó an phas taistil tríd an méid beag cánach a shábhálann tú gach mí.

Ceann de na coinníollacha a ghabhann leis an dá scéim seo ná go gcaithfear iad a úsáid go príomha chun taisteal chuig an obair (nó le haghaidh cuid den turas), nó chun taisteal idir ionaid oibre. Tá an dá scéim ar fáil do gach comhalta foirne, tá siad ar fáil i rith na bliana, agus is féidir leas a bhaint as an bpéire acu ag an am céanna.

Chun tuilleadh eolais a fháil ar an dá scéim seo, déan teagmháil le marianne.mcnally@universityofgalway.ie.

Foirm Iarratais:

Foirm Iarratais ar an Scéim Rothaíochta chun na hOibre

Travel Pass Application Form