Comhpháirtithe Gnó AD

‌

Is iad muintir na hOllscoile a mhúnlaigh Straitéis na hOllscoile 2020–2025 ar mhaithe le muintir na hOllscoile chun an taithí is fearr a chinntiú do chách. Tá ról mór ag an Oifig Acmhainní Daonna (AD) sa Straitéis seo a bhaint amach agus tacaímid le spriocanna na hOllscoile trí raon seirbhísí a sholáthar lena n-áirítear ach gan bheith teoranta dóibh seo a leanas: Foireann AD, Comhpháirtithe Gnó AD (HRBP), Acmhainní agus Conarthaí, Caidreamh Fostaithe (ER), Córais Faisnéise Acmhainní Daonna (HRIS) agus Foghlaim agus Forbairt (L&D).

Cuireann Foireann Comhpháirtithe Gnó AD  seirbhís leathan, chuimsitheach ar fáil do Choláistí, Scoileanna, Aonaid agus Institiúidí na hOllscoile.   Is é an príomhról atá againn ná tacú le foirne bainistíochta sinsearaí an Choláiste/Aonaid, bainisteoirí agus fostaithe. Déanaimid é seo trí chur leis an bplé agus le cinntí straitéiseacha, trí thionscadail a bhainistiú ar réitigh shaincheaptha, trí chomhairle theicniúil AD a sholáthar, trí shaineolas áisitheoireachta a sholáthar, trí oiliúint a chur ar bhainisteoirí agus trí chomhairle/tacaíocht d’fhostaithe. Cuirimid comhairle ar fáil chun a chinntiú go gcuirtear straitéisí i bhfeidhm atá oiriúnach don fheidhm agus cinntímid go bhfuil siad ag comhlíonadh an dlí, Polasaithe agus Nósanna Imeachta na hOllscoile, Sárchleachtas Idirnáisiúnta agus cuspóirí, luachanna agus spriocanna na hOllscoile.

Tá ról do HRBP cosúil le ról an Bhainisteora AD áitiúil. Is féidir leat teagmháil a dhéanamh linn má bhíonn aon cheist agat faoi Acmhainní Daonna agus tabharfaimid tacaíocht duit go díreach nó trí thú a chur i dteagmháil leis an sainphearsanra AD ábhartha.  Déileálaimid le raon leathan saincheisteanna AD lenár gcomhghleacaithe AD, lena n-áirítear caidreamh fostaithe, rannpháirtíocht fostaithe, bainistíocht feidhmíochta, bainistíocht tallainne, foghlaim agus forbairt, cultúr eagraíochta, dearadh eagraíochtúil, bainistíocht athraithe agus cumarsáid eagraíochtúil.

An Fhoireann