Déileáil le Strus – Bainisteoirí

Cad is strus a bhaineann leis an obair ann?

Tagraíonn strus a bhaineann leis an obair nó strus ceirde do na coinníollacha, na cleachtais agus na teagmhais oibre a d’fhéadfadh strus a chruthú.

Baineann Strus a bhaineann leis an obair le bheith ag obair nó is amhlaidh is measa a bhíonn an strus mar gheall ar an obair.

 

Céard iad na fachtóirí a chuireann le strus a bhaineann leis an obair?

Is féidir go mbeadh Strus a Bhaineann le hObair ar dhuine nuair a bhraitheann sé/sí an timpeallacht oibre ar bhealach a fhágann go bhfuil rudaí ag dul sa mhuileann air/uirthi. I measc na gcúiseanna a d'fheadfadh a bheith i gceist tá:

• Brúnna a bhraitear
• Fíorbhrúnna
• Spriocdhátaí
• Bagairtí
• Imní laistigh den timpeallacht oibre
• Athrú Roinne/athrú ar an struchtúr eagraíochtúil
• Droch-chaidreamh oibre le comhghleacaithe
• Bulaíocht, ciapadh nó leithcheal
• Easpa deiseanna oiliúna agus forbartha
• Easpa smachta ina gcuid oibre
• Brúnna seachtracha ó shaol pearsanta fostaithe

 

Cad iad na freagrachtaí atá orm maidir le déileáil le strus a bhaineann leis an obair?

Caithfidh ról gníomhach a bheith ag bainisteoirí maidir le héascaíocht a chur ar fáil agus tacaíocht a thabhairt do chomhaltaí foirne a gcuid oibre a dhéanamh go héifeachtach chun cur le rathúlacht na roinne agus Ollscoil na Gaillimhe. D’fhonn iarracht a dhéanamh an baol go mbeadh strus a bhaineann leis an obair ag cur isteach ar chomhaltaí foirne, ní mór do bhainisteoirí:

• Dea-chumarsáid a chinntiú go háirithe nuair a bhíonn athruithe eagraíochtúla agus nósanna imeachta i gceist;
• A chinntiú go ndéantar poist a dhearadh chun éilimh chontrártha a sheachaint agus go bhfuil ionchais agus ról an phoist soiléir
• A chinntiú go bhfuil an fhoireann oilte go hiomlán chun tabhairt faoi éilimh a bpoist agus gur féidir leo a bheith rannpháirteach i gcinntí faoin mbealach a gcuirtear an post i gcrích;
• A chinntiú go bhfuil deiseanna rialta ann chun aiseolas a thabhairt maidir le feidhmíocht e.g. cruinnithe rialta duine le duine agus cruinnithe foirne
• Saincheisteanna imní a shainaithint nó dul i ngleic leo go pras agus réitigh chuiditheacha a lorg;
• Úsáid a bhaint as na hacmhainní tacaíochta agus oiliúna atá ar fáil;
• A chinntiú go gcuirtear deiseanna fiúntacha oiliúna agus forbartha ar fáil don fhoireann;
• A chinntiú nach nglactar le bulaíocht, ciapadh ná leithcheal;
• A bheith feasach ar chomharthaí go bhfuil fadhbanna ann agus tacaíocht bhreise a thairiscint do chomhalta foirne atá faoi strus lasmuigh den obair e.g. méala nó scaradh;
• Cloí le polasaithe Ollscoil na Gaillimhe maidir le fostaíocht, sláinte, sábháilteacht agus slándáil.
• Comhairle agus tacaíocht chuí a lorg go luath má thagann deacrachtaí chun cinn.

 

Conas a aithním go bhfuil strus ar fhostaí?

Nuair a aithnítear go bhfuil fadhb i gceist is féidir meicníochtaí cuí láimhseála a lorg go luath sula mbíonn tionchar diúltach fisiciúil nó mothúchánach le brath ag fostaí.

Táscairí Struis a bhaineann leis an Obair:

Feidhmíocht Oibre

• Gan bheith in ann aird a dhíriú ar rudaí ar feadh i bhfad
• Feidhmíocht neamh-chomhsheasmhach
• A bheith ag déanamh earráidí nach mbeifí ag súil leo
• Neamhchinnteacht
• Neamhábaltacht déileáil go stuama le gnáthimeachtaí laethúla
• Comharthaí tuirse nó iompair imníoch
• Ag bheith ag déanamh gearán
• Cantal
• Cliseadh cuimhne
• Tagairt do bhrú ama
• A bheith in aghaidh athrú
• Gan bheith ag pleanáil ná ag tógáil saoire
• A bheith ag obair uaireanta níos faide nó iomarcacha

Aistarraingt

• Ag teacht isteach chuig an obair déanach
• Ag fágáil go luath
• Lóin an-fhada
• Neamhláithreacht nó neamhláithreacht tinnis níos mó
• Fulangacht nó easpa tiomantais

Iompar Ionsaitheach

• Cúlchaint mhailíseach
• Cáineadh daoine eile
• Loitiméireacht
• Béicíl
• Bulaíocht, ciapadh

Eile

• Méadú ar ól alcóil agus/nó caife
• Méadú ar chaitheamh tobac
• 'Ithe ar mhaithe le faoiseamh’

 

Conas is féidir liom an baol struis i mo Scoil/Aonad a íoslaghdú?

Is féidir le hionaid oibre ina bhfuil cumarsáid mhaith, caidreamh measúil agus córais shláintiúla oibre cabhrú le daoine an cineál struis a bhféadfadh níos mó ná cúis amháin a bheith leis a aithint agus a bhainistiú; is gnách go bhfaigheann ionaid oibre dá leithéid na torthaí is fearr maidir le fórsa saothair sláintiúil agus táirgiúil a bhaint amach.

Is féidir le bainisteoirí an seicliosta seo a leanas a úsáid chun na húdair struis is féidir a bheith san ionad oibre a shainaithint

• Ról ag an obair: an bhfuil sé soiléir agus comhtháite, nó an mbíonn róil chontrártha ag daoine go minic?
• Caidrimh ag an obair: an bhfuil brú agus easaontas leanúnach i gceist, nó fiú iompar ionsaitheach oscailte idir daoine ag an obair?
• Na hordlathais agus an cheannaireacht ag an obair: an bhfuil cleachtais bhainistíochta éifeachtacha agus chothroma i bhfeidhm, agus an bhfuil ceannaireacht dhearfach ag tacú leo?
• Smacht: an bhfuil smacht éigin ag daoine ar ghnéithe áirithe dá ndéanann siad gach lá, nó an bhfuil siad rialaithe, amhail is gur meaisíní iad?
• Oiliúint: an bhfuil daoine oilte i gceart agus go cuí le haghaidh na bpost a dhéanann siad?
• Éilimh: an bhfuil i bhfad níos mó oibre le déanamh ag fostaithe ná mar atá siad in ann a dhéanamh de réir an chaighdeáin, nó laistigh den am, a bhfuiltear ag súil leis?

 

Cad iad na hacmhainní atá ar fáil in Ollscoil na Gaillimhe chun cabhrú liom strus a bhainistiú i mo Scoil/Aonad?

Má bhraitheann tú go bhfuil leibhéil arda struis i measc na bhfostaithe i do roinn agus gur mhaith leat tuilleadh acmhainní maidir le conas strus a bhainistiú, is féidir leat dul i dteagmháil le Clár Cúnaimh d’Fhostaithe Ollscoil na Gaillimhe nó le comhalta foirne laistigh den Roinn Acmhainní Daonna.

Príomhtheagmhálaithe: Acmhainní Daonna

An Clár Cúnaimh d’Fhostaithe: