Taighdeoir atá luaite ar iarratas nó ar dhámhachtain deontais a fhostú

Earcú Taighdeoirí atá Ainmnithe ar Dhámhachtainí Deontais/Pearsanta.

Sa chás go bhfuil daoine ar leith ainmnithe ar dhámhachtainí deontais, nó go bhfaigheann duine dámhachtain phearsanta lena n-áirítear dámhachtain Marie Sklodowska-Curie, IRC, nó ERC, eiseoidh an Oifig AD conradh fostaíochta a bheidh ceangailte leis an dámhachtain nó leis an deontas aonair. 

Seo a leanas roinnt samplaí;

• Is comh-iarratasóir ar dhámhachtain é/í an taighdeoir,
• Tá cuid mhór den deontas/taighde scríofa ag an taighdeoir,
• Tá saineolas ag an taighdeoir atá riachtanach chun an tionscadal a chur i gcrích.

NB: beifear ag súil go mbeidh an duine ainmnithe ag leibhéal taighdeora iardhochtúireachta, ar a laghad.

1. Chun duine atá ainmnithe go sonrach ar dhámhachtain phearsanta a fhostú, ní mór na nithe a leanas a sheoladh chuig hrresearch@universityofgalway.ie

• Curriculum vitae an fhostaí nua molta
• Cóip den dámhachtain deontais/litir tairisceana (gníomhaireacht mhaoinithe)
• Liosta gairid dualgas
• Teideal/ainm deimhnithe an tionscadail.
• Dearbhú go ndearna an Príomhthaighdeoir teistiméireachtaí agus cáilíochtaí a sheiceáil, agus go bhfuil sé/sí sásta an duine ainmnithe a earcú.
• Dearbhú go bhfuil cónaí ar an iarrthóir in Éirinn, agus go gcomhlíonfaidh sé/sí a ndualgais ar an gcampas nó ó chian trí shocrú hibrideach atá aontaithe lena b(h)ainisteoir líne.
• Dearbhú cibé acu go dteastaíonn nó nach dteastaíonn Grinnfhiosrúchán an Gharda Síochána don ról

Más dámhachtain idirnáisiúnta nó dámhachtain comhpháirtí tionscail atá i gceist, ní mór don Phríomhthaighdeoir na nithe a leanas a dheimhniú;

• Ainm agus seoladh na comhaltachta tionscail/an tsuímh dhomhanda.
• Ná dátaí a mbeidh an taighdeoir lonnaithe ar an suíomh comhpháirtíochta
• Ainm mheantóir an taighdeora ar an suíomh comhpháirtíochta
• Copy of Secondment Agreement

2. Cuntas Taighde/Ionad Costais a Oscailt:

• Cuir an t-oifigeach tacaíochta taighde ar Fhoireann Réamhdhámhachtana na hOifige Taighde – an té lena raibh tú ag déileáil tráth d’iarratais – ar an eolas ar chloisteáil duit gur éirigh leat dámhachtain a fháil, agus deanfaidh sé/sí thú a stiúradh trí na chéad chéimeanna eile. 
• Socróidh Foireann Iardhámhachtana na hOifige Taighde an cuntas taighde lena mbaineann do dhámhachtain.  Déanfar seo nuair atá na cáipéisí riachtanacha dlí a bhaineann leis an dámhachtain sínithe.  Tabharfaidh Foireann Réamhdhámhachtana na hOifige Taighde treoir duit i ndáil leis seo. 
• Tá sonraí teagmhála Fhoirne Náisiúnta agus Idirnáisiúnta Réamhdhámhachtana agus Iardhámhachtana na hOifige Taighde le fáil anseo: Foireann na hOifige Taighde.

3.Faomhadh Iar-Mhaoinithe:

• Seol PPF* comhlánaithe chuig Oifig na gCuntas Taighde, le do thoil. (Cuirfidh Oifig na gCuntas Taighde ar aghaidh chuig an Oifig AD é ar a fhaomhadh).
• I gcás Dámhachtainí Marie Curie, ní mór PPF Marie Curie a iarradh ó Oifig na gCuntas Taighde le faomhadh. 

NB:  Earcú daoine as tíortha eile.  Tá sé deacair treoir ghinearálta a thabhairt, ach bheadh sé riachtanach na tréimhsí fógartha a leanas a thabhairt don Oifig AD agus comhaltaí foirne á n-earcú;

• Saoránaigh de chuid na hÉireann - 1 mhí
• Saoránaigh AE - 2 mhí
• Saoránaigh Neamh-LEE - 3 mhí