Léim go Ábhar

Pleanáil Imeachtaí

Eolas
Íomhánna

Bainistíocht Imeachtaí

Ní mór gach imeacht a reáchtáiltear ar champas Ollscoil na Gaillimhe a phleanáil, a bhainistiú agus a sheachadadh de réir Pholasaí na hOllscoile maidir le Bainistíocht agus Sábháilteacht Imeachtaí (QA123).

Is féidir Imeacht a shainmhíniú mar ócáid thábhachtach nó shuntasach ar a bhfreastalaíonn iliomad daoine ar mhaithe le sainchuspóir a bhaineann le gnó, gníomhaíocht ollscoile, nó rannpháirtíocht phobail. Bíonn cineálacha éagsúla imeachtaí ar siúl ar an gcampas lena n-áirítear ach nach bhfuil teoranta do: taispeántais, searmanais, aontaí, seoltaí, fáiltithe, cuairteanna stáit, féilte, comóradh searmanais chomórtha, fleánna, ceolchoirmeacha, cruinnithe ceiliúrtha, comhdhálacha, laethanta oscailte, seisiúin eolais, imeachtaí creidiúnaithe, scoileanna samhraidh, imeachtaí tiomsaithe airgid agus spóirt nó caithimh aimsire. Breathnaítear ar cheardlanna agus cruinnithe foirne mar “ghnáthobair laethúil” má bhíonn siad ar siúl in ionaid a tógadh go sonrach d’imeachtaí den sórt sin agus nach dteastaíonn aon socruithe breise ó Fhoirgnimh agus Eastáit.

Agus imeacht á phleanáil, déan Rialtóir Imeachta a shannadh. Beidh an fhreagracht deiridh ar an duine seo as bainistíocht agus sábháilteacht an imeachta, agus beidh sé/sí freagrach as gach cumarsáid le Foirgnimh agus Eastáit.

Cinntigh na nithe seo a leanas:

Go léitear QA123 Polasaí maidir le Bainistíocht agus Sábháilteacht Imeachtaí
Go líontar an fhoirm chun ocaid/seomra cruinnithe a chur in airithe
‌Go líontar Foirm Admhála Freagrachtaí an Rialtóra Imeachta
Go líontar Mhaitrís Riosca chun catagóir riosca a mheas
Go gcuirtear d'ionad in áirithe ag tabhairt dóthain ama chun é a leagan amach agus a chur ar ais mar a bhí arís
Go líontar Plean Bainistíochta Imeachtaí agus Measúnú Riosca
Go líontar Seicliosta maidir le hIonad a Leagan Amach ‌maidir le hionad a leagan amach
Go líontar Seicliosta Inbhuanaitheachta maidir le hinbhuanaitheacht
Go seoltar na cáipéisí comhlánaithe go léir chuig space@universityofgalway.ie leis na hamlínte riachtanacha thíos:

	Íseal-riosca	Meánriosca	Ardriosca
Plean Bainistíochta Imeachtaí agus Measúnú Riosca	Ní mór é a sheoladh chuig Foirgnimh agus Eastáit coicís roimh ré	Ní mór é a sheoladh chuig Foirgnimh agus Eastáit mí amháin roimh ré	Ní mór é a sheoladh chuig Foirgnimh agus Eastáit trí mhí roimh ré
Seicliosta Imeachtaí	Ní mór é a sheoladh chuig Foirgnimh agus Eastáit coicís roimh ré	Ní mór é a sheoladh chuig Foirgnimh agus Eastáit mí amháin roimh ré	Ní mór é a sheoladh chuig Foirgnimh agus Eastáit trí mhí roimh ré
Faomhadh	Faomhadh i bprionsabal laistigh de choicís	Faomhadh i bprionsabal laistigh de mhí amháin, mar aon le haiseolas cuí	Faomhadh i bprionsabal laistigh d’ocht seachtaine, mar aon le haiseolas cuí

Taispeántais Ealaíne:

Cuirfear ábhar agus sonraí na dtaispeántas ealaíne ar fad faoi bhráid na hOifige Ealaíon le haghaidh athbhreithniú tosaigh agus déanfaidh an Oifig Ealaíon moladh d’Fhoirgnimh agus Eastáit ina dhiaidh sin. Léigh an Nós Imeachta maidir le Taispeántas Ealaíne chun tuilleadh eolais a fháil.

Imeachtaí Tráchtála:

Má tá imeachtaí seachtracha nach mbaineann leis an téarma acadúil á reáchtáil ar an gcampas ba cheart don eagraí teagmháil a dhéanamh le hOifig na Seirbhísí Tráchtála

Eolas maidir le Saintacaíocht Chlosamhairc d’Imeachtaí Ollscoile CON433